1º Certame de Relatos de Peruchela Edicións

Anuncio dos Gañadores do 1º Certame de Relatos Manuscritos de Peruchela Edicións

Peruchela Edicións ten o pracer de anunciar os gañadores do 1º Certame de Relatos Manuscritos, un evento que contou cunha destacada participación tanto na categoría de maiores como na infantil. O xurado, composto por Luis Castro Macía, Xulia Rodríguez Guntiñas e Pilar Silvosa, todos eles licenciados en filoloxía e xubilados, foi o encargado de valorar os traballos presentados.

Na categoría de maiores, á que se presentaron 30 relatos, os premiados foron:

• 1º premio: "A Porta do Medio", de Xesús Alfonso Parada Jato.
• 2º premio: "Meiga Lin", de Pilar Sánchez Martinez.
• 3º premio: "Donante", de Sonia Corral Franco.

Pola súa parte, na categoría infantil, na que participaron 4 autores, os galardóns repartíronse da seguinte maneira:

• 1º premio: "Las Aldeas Escondidas", de Lucía Rodríguez.
• 2º premio: "El Dragón y el Caballero", de Xoel Tumai Álvarez Moreno.
• 3º premio (compartido):
  • Eva Victoria Freire Roldán,
  • Gabriela Rodríguez Cerezales.

Os premios entregaranse o sábado 28 de setembro ás 12:00 do mediodía, nun acto que contará coa presenza dos autores e do xurado. Ademais, todos os participantes recibirán de balde unha publicación especial que recollerá todos os relatos que participaron nesta primeira edición do certame, celebrando así o talento literario de cada un deles.

Agradecemos de corazón a todos os participantes pola súa dedicación e entusiasmo. Esperamos que o vindeiro ano volvan participar con tanta ilusión como fixeron nesta ocasión.

Moitas grazas a todos!